TASAF KUPUNGUZA UMASIKINI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

SERIKALI kupitia Mfuko wa Maendeleo ya Jamii (Tasaf), imedhamiria kupunguza umasikini katika familia kupitia mpango wa kunusuru kaya.

Hayo yalibainishwa mjini hapa juzi na Mkurugenzi wa Programu za Jamii, Amadeus Kamagenge, alipotoa hotuba kwa niaba ya Mkurugenzi Mtendaji, Ladislaus Mwamanga, kwenye ufunguzi wa mafunzo  ya siku 12 ya wawezeshaji wa miradi ya ujenzi kwenye mpango wa kunusuru kaya masikini awamu ya tatu.

Katika mafunzo hayo yaliyowakutanisha washiriki kutoka Pemba, Unguja, Lindi Manispaa, Halmashauri ya Wilaya ya Lindi na Manispaa ya Mtwara, Kamagenge alisema walengwa wa mpango huo ni kaya zinazoishi katika mazingira hatarishi na kukabiliwa na uhaba wa chakula.

Alisema mpango huo unajumuisha pogramu za huwasilishaji miradi ya ujenzi, kuimarisha uwezo wa kujikimu na kuendeleza miundombinu inayolenga sekta ya elimu, afya na maji.

“Programu ya miradi ya ujenzi inatekelezwa mahususi kwa ajili ya kunusuru walengwa kwa kuwaongeza kipato cha kaya, kila mwaka kuna fursa za kuongeza kipato kupitia programu hii,” alisema.

 Chanzo:Tanzania Daima