SBL yatoa saruji ya 10m/- kwa waathirika wa tetemeko Kagera

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Meneja Usalama wa SBL, Sebastian Kalugulu  akimkabidhi  Mkuu wa Mkoa wa Kagera, Meja Jenerali Mstaafu Salum Kijuu baadhi ya mifuko ya saruji 500 yenye thamani ya shilingi milioni 10 kwa wahanga wa janga la tetemeko la ardhi lililotoa mkoani Kagera.Makabidhiano hayo yalifanyika  Ofisi ya Mkuu wa Mkoa wa Kagera mjini Bukoba mapema leo.
Meneja Usalama wa SBL, Sebastian Kalugulu  akitoa maelezo kwa mkuu wa mkoa wa Mkuu wa Mkoa wa Kagera, Meja Jenerali Mstaafu Salum Kijuu mara baada ya makabidhiano ya mifuko ya saruji 500 yenye thamani ya shilingi milioni 10 kwa wahanga wa janga la tetemeko la ardhi lililotoa mkoani Kagera.Makabidhiano hayo yalifanyika  Ofisi ya Mkuu wa Mkoa wa Kagera mjini Bukoba mapema leo.


Mkuu wa Mkoa wa Kagera, Meja Jenerali Mstaafu Salum Kijuu akifurahi jambo na  Meneja Usalama wa SBL, Sebastian Kalugul    mara baada ya makabidhiano ya mifuko ya saruji 500 yenye thamani ya shilingi milioni 10 kwa wahanga wa janga la tetemeko la ardhi lililotoa mkoani Kagera.Makabidhiano hayo yalifanyika  Ofisi ya Mkuu wa Mkoa wa Kagera mjini Bukoba mapema leo.




Waandishi wa habari wakichukua matukio wakati wa makabidhiano ya msaada wa mifuko ya mifuko ya saruji 500 yenye thamani ya shilingi milioni 10 kwa wahanga wa janga la tetemeko la ardhi lililotoa mkoani Kagera.Makabidhiano hayo yalifanyika  Ofisi ya Mkuu wa Mkoa wa Kagera mjini Bukoba mapema leo.


Mkuu wa Mkoa wa Kagera, Meja Jenerali Mstaafu Salum Kijuu akiongea na wafanyakazi wa SBL waliowakilisha katika kutoa msaada wa mifuko ya mifuko ya saruji 500 yenye thamani ya shilingi milioni 10 kwa wahanga wa janga la tetemeko la ardhi lililotoa mkoani Kagera.Makabidhiano hayo yalifanyika  Ofisi ya Mkuu wa Mkoa wa Kagera mjini Bukoba mapema leo.




Bukoba, Novemba 29, 2016-Kampuni ya Bia ya Serengeti (SBL) leo imetoa msaada  mifuko ya saruji 500 yenye thamani ya shilingi milioni 10 kwa wahanga wa janga la tetemeko la ardhi lililotoa mkoani Kagera. Msaada huo ni kuitikia wito wa serikali  kwa mashirika, watu binafsi  na watu wenye mapenzi mema wa kujitoa kusaidia wahanga wa tukio hilo.

Akizungumza katika tukio la kukabidhi msaada huo katika Ofisi ya Mkuuu wa Mkoa wa Kagera mjini Bukoba, Meneja Usalama wa SBL, Sebastian Kalugulu  aliwapa pole  wahanga wa tetemeko hilo  kwa kuwahakikishia kwamba SBL  kila mara iko tayari kusaidia  pindi inapohitajiwa na jamii.

 “”Tunatoa pole ya dhati na masikitiko yetu kwa wahanga wa  tetemeko la ardhi  na tunawaombea majeruhi wote wapone haraka,” alisema Kalugulu, na kuongeza kwamba SBL  inaungana na watu wengine wenye mapenzi mema kutoa msaada wa kibinadamu kwa ajili ya kuwasaidia  kuhimili kadhia iliyowapata  na kurudi katika shughuli zao kawaida.

Kalugulu alithibitisha tena kwamba kampuni hiyo ya bia  imejikita katika kuunga mkono  serikali  na watu binafsi wenye mapenzi mema, mashirika  na makampuni  katika kuisaidia jamii katika maeneo SBL inapoendesha shughuli zake.

 “Ni matumaini yetu kwamba msaada huu utachangia katika michango  iliyokwishatolewa na wasamaria wengine  na kwamba itawawezesha  wahanga hao kujenga  miundombinu iliyoharibika  na hata kuboresha maisha yao.”

 Akizungumzia mchango uliotolewa na SBL, Mkuu wa Mkoa wa Kagera, Meja Jenerali Mstaafu Salum Kijuu alisema kwamba msaada huo unachangia katika michango  mingine  kutoka kwa watu wenye mapenzi mema kutoka ndani, mikoani  na kimataifa  ambao kmwa ukarimu waliitikia wito wa serikali wa kusaidia.

Mkuu huyo wa mkoa alisema kuwa atahakikisha kuwa  msaada huo unaenda kwenye lengo lililokusudiwa  na kutoa wito  kwa watu zaidi  kuendelea kuwasaidia wahanga.

Mwisho

TAARIFA KWA VYOMBO VYA HABARI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



KUSIMAMA KWA SHUGHULI ZA UZALISHAJI KATIKA KIWANDA CHA DANGOTE
:
UZALISHAJI katika kiwanda cha saruji cha Dangote kilichopo Mtwara umeathirika kwa kiasi kikubwa tokea wiki iliyopita. Tatizo hili la muda limetokana na hitilafu za kiufundi katika mitambo ya kiwanda. Ofisa Mtendaji Mkuu wa Dangote Tanzania, Bwana Harpreet Duggal amesema mafundi wa Dangote wapo kazini na shughuli za uzalishaji zitarejea katika siku chache zijazo. 
Alisema kiwanda kilianza uzalishaji wa kibiashara mapema mwaka huu na kama ilivyo kwa kiwanda kingine kama hicho jambo lolote linaweza kutarajiwa hasa katika miezi ya mwanzo. Hata hivyo alizitaja hitilafu hizo kuwa ni za kawaida na uzalishaji utarejea katika kipindi kifupi kijacho. 
Alipoulizwa kuhusu gharama kubwa za uzalishaji, Bwana Duggal alisema unapolinganisha na gharama nyingine za uzalishaji katika Dangote, gharama za uendeshaji Tanzania ni za juu mno. Moja ya sababu kuu ni matumizi ya jenereta za dizeli katika kuendesha kiwanda. Na pia kiwanda kuwepo mbali na soko kuu la saruji kumechangia ongezeko la gharama za usafirishaji. Akasema serikali inaangalia suala hili la gharama na jinsi ya kutafuta njia ya kutupunguzia mzigo huu.
Akaongeza, “Tuna matumani makubwa kuhusu uwekezaji wetu wa muda mrefu hapa Tanzania na tupo makini, kwa kushirikiana na Serikali tutaweza kuhimili gharama za uzalishaji ili tuweze kuendelea kufanya bidhaa ya  saruji kuwa na bei nafuu nchini.”
Tangu kuzinduliwa kwa kiwanda cha saruji cha Dangote, bei ya saruji nchini Tanzania imeshuka kwa zaidi ya asilimia 30.
Kiwanda cha Dangote kilichopo Mtwara chenye thamani ya Dola za Kimarekani milioni 600 kina uwekezaji mkubwa katika saruji kuliko vyote katika Afrika Mashariki. Kina uwezo wa kuzalisha tani milioni tatu kwa mwaka na kutoa ajira ya moja kwa moja kwa zaidi ya watu 1000 wa Mtwara.
 

DKT MGWATU: SIJARIDHISHWA NA UKUSANYAJI MAPATO NA MADENI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
 
Na Theresia Mwami TEMESA Mtwara.

Mtendaji Mkuu wa Wakala wa Ufundi na Umeme (TEMESA) Dkt. Mussa Mgwatu amesema kuwa hajaridhishwa na ukusanyaji wa mapato na madeni katika kituo cha Mtwara katika robo ya kwanza ya mwaka wa fedha 2016/2017 ambapo karakana imekusanya asilimia 20% tu ya kiasi cha pesa ilichozalisha.

Dkt Mgwatu amesema kuwa hatovumilia uzembe wowote utakaojitokeza katika suala la ukusanyaji wa mapato na madeni katika vituo vyote vya TEMESA nchini.

“Hatuwezi kuendesha vituo na karakana zetu kwa mwendo huu hivyo inatupasa kuongeza juhudi katika kufuatilia madeni” alisema Dkt. Mgwatu.

Kwa upande wake Meneja wa TEMESA Mtwara Mhandisi Said Mongomongo amesema kuwa kuna changamoto za Taasisi nyingi kutolipa kwa wakati gharama za matengenezo ya magari na mashine mbalimbali katika karakana yake.

Mhandisi Mongomongo amewataja baadhi ya wadaiwa sugu kuwa ni pamoja na Shirika la Umeme Tanzania (TANESCO) na Ofisi ya Katibu Tawala mkoani Mtwara.

Akiwa mkoani Mtwara, Dkt Mgwatu ametembelea Kivuko cha MV. Mafanikio kinachotoa huduma ya usafiri kati ya Msangamkuu na Msemo pamoja na Kivuko cha MV. Kilambo kinachotoa huduma kati ya Kilambo (upande wa Tanzania) na Namoto (upande wa Msumbiji).

Mtendaji Mkuu wa Wakala wa Ufundi na Umeme (TEMESA) Dkt. Mussa Mgwatu yupo katika ziara ya kikazi katika mikoa ya Lindi na Mtwara kuangalia utendaji kazi wa vituo hivyo.

Tigo yapanua huduma ya 4G LTE hadi Lindi na Mtwara

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. Habari mdau tafadhali pokea codes,

 Mkurugenzi wa Tigo Kanda ya Pwani, Goodluck Charles

Mtwara, Oktoba 11, 2016-
Wateja wa Tigo katika mikoa ya Lindi na Mtwara hivi sasa wanaweza kufurahia kuunganishwa na  intaneti ya kasi kufuatia  kampuni hiyo kupanua huduma yake ya 4G LTE  katika miji hiyo ya kusini mwa Tanzania. Teknolojia ya 4G LTE ni ya kasi takribani mara tano zaidi ya  teknolojia  ya 3G  iliyopo katika soko kwa hivi sasa.
Kwa mujibu wa Mkurugenzi wa Tigo Kanda ya Pwani, Goodluck Charles upanuzi huo unafuatia  kuzinduliwa kwa mafanikio  kwa huduma hiyo katika miji mingine 14 nchini.
Charles anasema “Kupatikana kwa teknoplojia ya 4G  katika mikoa ya Lindi na Mtwara  kunaonesha kuwa Tigo kwa mara nyingine jinsi ilivyojikita katika kuboresha mabadiliko katika  mtindo wa maisha ya kidijitali na kuongoza kwake katika  kutoa  teknolojia ya kisasa  na ubunifu ndani ya soko.”
Huduma ya 4G LTE  inamaanisha   kurambaza kwa kasi kubwa, kupakua vitu  kutoka katika intaneti na kufanya miito ya mawasiliano ya simu kwa kuonana (skype). Hali kadhalika inawezesha wateja  kwa kiwango kikubwa  kutiririsha video na hata mikutano ya video. Hali kadhalika na matumizi mengi kama vile kufanya mkutano kwa video, ubora wa hali ya juu, blogu za video michezo na kupakua video kutoka kwenye mitandao ya jamii.
Mtwara na Lindi  ni vituo muhimu vya biashara  katika mikoa ya kusini mwa Tanzania. “Tunataraji kwamba wakazi wa Lindi na Mtwara, wafanyabiashara wanaojishughulisha na biashara ya korosho, uvuvi na wadau  katika sekta ya mafuta na gesi  watafurahia uzoefu wa  teknolojia ya 4G LTE na kufanya shughuli za kijamii  kwa njia ya mtandao kwa urahisi zaidi,”anafahamisha.
Anaongeza kusema, “Ninapenda kuwajulisha wateja wetu kwamba bei bei kwa ajili ya vifuurushi  vya  intaneti ya 4G LTE ni sawa na ile  ya vifurushi vya 3G, na hali kadhalika wateja wote walio na  kadi ya simu ya 4G LTE watanufaika kwa kupata GB 10 bure  watakapojiunga kwa mara ya kwanza na mtandao wa 4G LTE. Hii inamaanisha kwamba mteja mwenye thamani  anahitaji kuwa na  kifaa kinachowezessha teknolojia ya 4G LTE, ama kiwa  simu ya kisasa au kisambazio pamoja kadi ya simu. Wanaweza kubadilisha  au kupata kadi ya simu ya 4G kutoka katika maduka yetu ya Lindi na Mtwara.”
Anaarifu kuwa mipango ipo njiani  kupanua  huduma hiyo hadi kufikia mikoa  mitano iliyobakia na hivyo kuwa imesambazwa nchini kote  ifikapo mwishoni mwa mwezi huu wa Oktoba.

KILIO CHA WADAU WA HABARI KIMEKILIZWA NI ZAMU YAO KUUNGA MKONO MUSWADA WA HUDUMA YA HABARI WA MWAKA 2016

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na Ismail Ngayonga
Dar es Salaam
27.10.2016
Katika kipindi cha miaka 20 wadau wa tasnia ya habari hapa nchini wamekuwa katika vuguvugu la kudai mabadiliko ya mfumo wa sheria iliyopo sasa hasa ile ya magazeti ya mwaka 1976, ambayo kwa kipindi kirefu imelalamikiwa kuwa inavibana vyombo vya habari katika kutimiza wajibu wake kwa umma.
Wadau hao wamekuwa wakiiona Sheria hiyo kuwa ni kandamizi kwa kumpa madaraka makubwa  Waziri anayesimamia tasnia ya habari katika utoaji wa adhabu dhidi ya chombo cha habari pamoja na tafsiri ya uchochezi.
Kwa kuzingatia kilio cha wadau , ukuaji wa teknolojia na mabadiliko ya mfumo wa maisha na mahitaji halisi ya jamii katika suala zima la upashanaji, ukusanyaji na usambaji wa habari, Serikali iliona ipo haja kuanzishwa kwa chombo maalum cha kusimamia maadili, maslahi, haki na wajibu wa vyombo vya habari.
Katika kutekeleza ahadi yake kwa wadau wa habari nchini, Serikali iliwasilisha Bungeni miswada miwili ya huduma ya habari na haki ya kupata habari, ambapo muswada wa upakikanaji taarifa ulisomwa, kujadiliwa na kupitishwa na Bunge ambapo unasubiri idhini ya Rais ili kuwa sheria kamili.
Tarehe Mosi Novemba mwaka huu, Bunge la Jamhuri ya Muungano wa Tanzania ninatarajia kuanza vikao vyake vya kawadia mjini Dodoma, ambapo Serikali itawasilisha Bungeni miswada mbalimbali kwa ajili ya kujadiliwa na kupitishwa na Bunge hilo ikiwa ni utekelezaji wa wajibu wa msingi wa chombo hicho, ambao ni kutunga sheria.
Miongoni mwa miswada inayotarajia kusomwa, kujadiliwa na kupitishwa na Bunge ni pamoja na Muswada wa sheria ya huduma ya habari, ambao  mjadala wake tayari umeteka hisia za watu wa kada mbalimbali za kijamii ikiwemo wasomi, wadau wa habari na wananchi wa kawaida waliopo ndani na nje ya nchi.
Tangu muswada huo uliposomwa Bungeni kwa mara ya kwanza tarehe 19 septemba mwaka huu, wadau mbalimbali wa habari ikiwemo vyama vya taaluma ya habari, wamiliki, wahariri na waandishi wa habari wamekuwa na misimamo na mitazamo tofauti kuhusu muswada huo.
Akizungumzia muswada huo Mkurugenzi wa Habari, Hassan Abbas anasema muswada huo umekusudia kuiongezea heshima na hadhi tasnia ya habari, ili iweze kuwa taaluma kamili kama zilizo fani za udaktari, uuguzi, ufamasia, sheria na nyinginezo.
“Fani zote duniani zina chombo maalum cha usimamizi, kwa Tanzania pia tumeliona hilo, wakati umefika sasa kwa wanahabari nao waunde bodi maalum ili kuifanya tasnia ya habari kuwa taaluma yenye kuheshimika kwa jamii inayotuzungumza” alisema Abbas
Anasema kuwa maudhui ya muswada huo umezingatia mahitaji, haja, changamoto, na mazingira ya kazi yanayomkabili mwandishi wa habari wa Tanzania katika kutekeleza majukumu yake ya kazi za kila siku.
Anasema jumla ya wadau 10 wa habari waliwasilisha maoni yao kwa Serikali, na asilimia 90 ya mapendekezo yao yameingizwa katika muswada huo.
Anazitaja taasisi hizo ni pamoja na Baraza la Habari Tanzania, Jukwaa la Wahariri Tanzania, Chama cha Wamiliki wa Vyombo vya Habari, Taasisi ya Vyombo vya Habari Kusini mwa Afrika, Tawi la Tanzania (MISA-TAN) pamoja na vyama mbalimbali vya kutetea haki za kibanadamu nchini.
Kwa mujibu wa Abbas alisema muswada huo umeweka mazingira yanayomtaka Mwajiri kutoa Bima na Hifadhi ya Jamii kwa waajiriwa wake, ya kupitishwa na kusainiwa na Rais Magufuli, waandishi wa habari watakuwa na kinga maalum ya matibabu pindi wanapopata matatizo wakiwa kazini.
Anasema kuwa hivi karibuni, waandishi wa habari wamekuwa wakikabiliwa na matatizo ya kiafya ikiwemo kuugua na kifo, na hivyo wengi wao wakijikuta wakichangisha pesa kwa ajili ya kugharamia huduma za matibabu.
Akizungumzia kuhusu kifungu cha 55 cha muswada huo kinachozungumzia mamlaka ya Waziri, Abbas anasema katika kipengele hicho madaraka ya Waziri yatajitokeza pale panapokuwepo suala la dharura na linalohusu usalama wa taifa.
Anasema kuwa yapo baadhi ya matukio yanayohitaji hatua za haraka kuchuliwa na Serikali, ikiwemo uchapishaji na utangazaji wa habari zinazohamasisha uasi, uchochezi, vurugu, mapigano ya kikoo na kadhalika ambapo Waziri mwenye dhamana ya atawajibika kukifungia chombo hicho mara moja.
Anaongeza kuwa muswada huo umetoa fursa kwa chombo na mwandishi wa habari kuikosoa Serikali kuhusu sera, miongozo, matamko na maagizo mbalimbali ya Viongozi ambayo yameshindwa kutekelezwa na Serikali.
Mkurugenzi huyo anafafanua kuwa katika mikataba na sheria mbalimbali za kimataifa ikiwemo kifungu cha 19 mkataba wa kimataifa wa haki za kiraia, kimeainisha mipaka na ukomo wa waandishi wa habari ikiwemo habari zinazohusu ulinzi na usalama wa taifa, kashfa na maadili ya taifa.
Kwa mujibu wa Abbas alitoa ufafanuzi kuhusu sheria hiyo kuwabana wamiliki na watumiaji wa mitandao ya kijamii kwa kuwataka kujisajili na suala hilo si la kweli kwani litahusu vyombo vya habari vilivyo katika mfumo wa machapisho ikiwemo magazeti na majarida.
“Sheria itasimamia wote wa waandishi wa habari wa magazeti, redio na televisheni suala la usimamizi wa maudhui ya vyombo vya habari vilivyopo katika mfumo wa kieletroniki ikiwemo televisheni na redio wataendelea kusimamiwa na mamlaka ya mawasiliano Tanzania (TCRA)” alisema Abbas.
Abbas anasema kuwa muswada huo umekusudia kuanzishwa kwa Bodi huru ya habari inayosimamia maadili na maslahi ya waandishi, ambapo itakuwa na wajumbe 7 na wajumbe 4 wa Baraza hilo watatoka katika tansia ya habari akiwemo Mwenyekiti wa bodi hiyo.
Aliyataka majukumu ya bodi hiyo ni pamoja na kuandaa miongozo na miiko ya mwandishi wa habari pamoja na kuandaa makongamano na mikutano ya mara itayowawezesha wadau wa habari kukutana na kujadili changamoto mbalimbali zinaoikabili tansia ya habari.
“Tasnia ya habari ni nyeti sana, hivyo ni lazima iundiwe bodi yake, bila ya bodi inaweza kuhatarisha usalama wa nchi” alisema Abbas.
Mwenyekiti wa Chama cha Tanzania Labour Party, Augustino Mrema anasema muswada wa huduma ya habari umekuja kwa wakati mwafaka kwani tasnia ya habari nchini wamekuwa wakikabiliwa na kanzi kinzani mbalimbali ukosefu wa hifadhi ya jamii na bima ya afya.
Akizungumzia kuhusu Mamlaka ya Waziri yaliyoanishwa katika muswada huo, Mrema anasema msimamizi wa sheria ya nchi yeyote duniani ni Serikali, ambapo hata hivyo katika muswada huo Waziri amepewa mamlaka katika masuala ya dharura na usalama wa taifa.
Mrema anasema wadau wa habari ikiwemo vyama vya taaluma na wasomi kuacha malumbano yanayoendelea katika mitandao ya kijamii na badala yake waungane na kuwa wamoja ili muswada huo upitishwe na Bunge ili ipatikane sheria kamili inayowasaidia waandishi wa habari katika kipindi cha miaka 50 hadi 100 ijayo.
Naye Mhariri Mkuu wa kituo cha Redio Times, Zouhra Malisa anasema zipo taarifa zilizoenea katika mitandao ya kijamii kuhusu kigezo na sifa ya mwanahabari ambayo inamtaka mtumishi wa tasnia hiyo kuwa na shahada ya uandishi wa habari, na hivyo kuibua woga kwa mustakabali wa tasnia ya habari nchini.
Anasema kuwa kituo chake kimepanga kuwasilisha maoni kuhusu muswada huo, ambapo bodi ya wakurugenzi na uhariri ya redio hiyo imepanga kuwasilisha mapendekezo yao kuhusu muswada huo kabla ya kumalizika kwa muda uliotolewa na kamati ya kudumu ya maendeleo ya jamii ya Bunge.
Aidha Mhariri Mtendaji wa Gazeti la Majira, Imma Mbughuni muswada huo ni mzuri, hususani katika kipengele cha uanzishaji wa bodi ya ithibati itayohusika katika utoaji wa vitambulisho vya wanahabari, ambavyo kwa kipindi kirefu vimekuwa vikileta usumbufu mkubwa kwa waandishi wa habari.
Aidha Mbughuni aliishauri Serikali kuusambaza huo muswada kwa wananchi wa kawaida kwa kuwa itasaidia kupunguza minong’ono na malalamiko yanayotolewa na wadau wa habari katika mitandao mbalimbali ya kijamii.
Kwa upande wake, Mhariri Mtendaji wa gazeti la Jambo Leo, Anicetus Mwesa alisema uundaji wa bodi mbalimbali ikiwemo bodi ya ithibati itazidi kuijengea hadhi tasnia ya habari nchini kwani kwa kipindi kirefu wadau wa habari wamekuwa wakipendekeza vitambulisho hivyo vitolewe kila baada ya miaka mitatu baada ya utaratibu wa sasa wa mwaka mmoja.
MWISHO.
 

Samaki mkubwa akutwa amekufa katika ufukwe wa bahari ya Kilwa masoko leo,ana urefu wa ft 30

 
 Baadhi ya Wananchi wakiwa juu ya mgongo wa huyo samaki mkubwa ambaye mpaka sasa hakufahamika jina lake mara moja
Sehemu ya mwili wa samaki huyo

KISHINDO CHA TIGO FIESTA CHATIKISA MJI WA MTWARA

Habari za usiku mdau,tafadhali pokea codes,
Roma Mkatoliki  akiwapa mashabiki burudani tosho kwenye tamasha la Tigo fiesta uwanja wa Umoja Nangwanda mkoani Mtwara


Msanii Manfongo akitoa burudani kwenye tamasha la Tigo fiesta lililofanyika uwanja wa Umoja Nangwanda Mtwara jana


Jay Moe akiwaburudisha wakazi wa Mtwara katika tamasha la Tigo Fiesta


Joh MAKINI Akitumbuiza katika jukwaa la Tigo fiesta usiku wa jana mjini Mtwara

Weusi wakilivamia katika jukwaa la Tigo Fiesta 


Msanii toka Mtwara aliyepatikana katika shindano la Super Nyota akitumbuiza katika Tamasha la Tigo Fiesta


Kampuni ya Tigo yakabidhi madawati manispaa ya Mtwara leo



Mkuu wa wilaya ya Mtwara Dkt. Khatibu Kazungu (kulia)akipokea moja kati ya madawati 135 yenye thamani ya shilingi milioni 22/- kwa mkoa wa Mtwara toka kwa Mkurugenzi wa Tigo kanda ya Pwani, Goodluck Charles kwenye makabidhiano yaliyofanyika shule ya msingi Maendeleo, manispaa ya Mtwara leo.



Mkuu wa wilaya ya Mtwara Dkt. Khatibu Kazungu (kulia)akiwa ameketi na mkurugenzi wa Tigo kanda ya Pwani Goodluck Charles mara baada ya makabidhiano ya madawati 135 kwa manispaa ya mkoa wa Mtwara . Hafla iliyofanyika  shule ya msingi Maendeleo leo,



Mkuu wa wilaya ya Mtwara Dkt. Khatibu Kazungu (kulia) na mkurugenzi wa Tigo kanda ya Pwani Goodluck Charles, wanafunzi wa shule ya msingi maendeleo, Hajira Shaibu (wa pili kulia), Ezra  Joseph na mwalimu wao Fabiola Haule(kushoto) wakiwa wameketi mara baada makabidhiano ya madawati 135 kwa manispaa ya Mtwara leo



Mkuu wa wilaya ya Mtwara Dkt Khatibu Kazungu na mkurugenzi wa Tigo kanda ya pwani Goodluck Charles wakiwa wamepozi na viongozi mbalimbali wa manispaa ya wilaya ya Mtwara Mikindani kwenye hafla ya makabidhiano ya madawati leo.



Mwalimu mkuu wa shule ya Msingi Maendeleo manispaa ya Mtwara, Fabiola Haule akitoa neno la shukrani kwa kampuni ya simu za mkononi ya Tigo leo, mara baada ya kupokea madawati.


Wanafunzi wakifurahia 


 
Supported by Tone Multimedia Company Limited
Copyright © 2012. Mtwara yetu - All Rights Reserved
Designed by Fredy Tony Njeje
Proudly powered by Blogs za Mikoa