Madiwani wapitisha rasimu ya bajeti Masasi

BARAZA la Madiwani la Halmashauri ya Mji Masasi mkoani Mtwara wamepitisha rasmi bajeti ya sh.bilioni 19.8 ambayo itatumiwa katika halmashauri mbalimbali za maendeleo kwenye halmashauri hiyo.

Bajeti hiyo ni kwa ajili ya mwaka wa fedha wa 2014/2015 ambayo itashughulikia miradi ya Elimu, Miundombinu, Maji, Kilimo, Afya, Barabara na Mazingira.
Akisoma bajeti hiyo Mkurugenzi Mtendaji wa Halmashauri ya Mji Masasi, Bw. Bravo Lyapembile alisema makisio ya mapato na matumizi ya mwaka 2014/2015 kwa Halmashauri ya Mji Masasi yameandaliwa kwa kuzingatia mambo yafuatayo mwongozo wa mpango ya bajeti ya mwaka 2014/2015, ilani ya uchaguzi ya chama tawala ya mwaka 2010/2015 dira ya Taifa ya 2025 na malengo ya milenia.
Bw. Bravo Lyapembile aliongeza kuwa kwa maelezo haya naomba kuwakilisha mapendekezo ya makisio ya mapato na matumizi ya Halmashauri ya mji wa Masasi kwa mwaka 2014/2015 kuwa sh. 19,800,977,612.00 kati ya hizo sh. 1,738,449,000 kutoka vyanzo vyake vya mapato vya ndani pia halmashauri yangu ya mji Masasi imekisia kutumia sh. 4,398,278,832.00 kwa ajili ya miradi ya maendeleo ikiwemo ruzuku ya serikali na fedha za Halmashauri (Own - Source).
Kwa upande wake Mwenyekiti wa Halmashauri, Bw. Andrew Mtumisha alisema nachukua, nafasi hii kukupongeza wewe Mkurugenzi na timu yako yote kutuandalia bajeti nzuri yenye uhalisia wa mazingira yetu bajeti ya uwazi zaidi iliyolenga maendeleo ya wananchi wetu ambayo imegusa kila eneo

Chanzo;Majira