Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Watoto
zaidi ya 1,300 katika Manispaa ya Mtwara –Mikindani wanaishi katika
mazingira hatarishi kutokana na wazazi au walezi wao kushindwa kumudu
mahitaji yao.
Hali hiyo inasababisha kuongezeka kwa watoto wa mitaani mjini hapo na endapo hatua za kupambana na tatizo hilo hazitachukuliwa mapema hatma ya maisha yao iko mashakani.
Katibu wa shirika lisilo la kiserikali Faidika Wote Pamoja (Fawopa) Baltazar Komba, alieleza jana wakati akifungua mafunzo ya kuhudumia watoto wanaoishi katika mazingira hatarishi, (MVCC) kwa kata za Mtonya, na Kisungule Mjini hapa.
Alisema kufuatia ongezeko hilo shirika limeanzisha mradi wa kuwatambua watoto hao na kutoa mafunzo ya kuwezesha kutafuta rasilimali katika maeneo yao kwa ajili ya kuwaendeleza kutoka kwenye Kata zao badala ya kutegemea misaada ya wafadhili.
"Tumeshuhudia wafadhili wengi wanakuja na kutoa misaada mbalimbali kama sare za shule, daftari, viatu, na hata mabegi ya bei kubwa, lakini pindi wanapoondoka watoto hawa wanashindwa kuendelea na masomo, "alisema.
Alieleza kuwa "lengo la mradi huu ni kuwapatia elimu viongozi wa kata pamoja na wanakamati ya kusaidia kushawishi jamii kuona umuhimu wa kumsaidia mtu asiyejiweza kwa kutoa misaada mbalimbali hasa kwa watoto walio na uhitaji wa kwenda shule,"alifafanua Komba.
Kwa upande wake mwezeshaji wa vikundi vya wanawake kusaidia watoto hao Fatma Issa , alisema kupitia mafunzo hayo yameweza kuleta manufaa kwa wananwake ambao hawakuwa na uwezo wa kuhudumia watoto wao.
"Baada ya kupata mafunzo kama haya, wanawake waliamua kuunda vikundi na kuanza kukopeshana mwenye nacho akamkopesha asiyenacho kwa riba ya asilimia mbili na mafunzo haya yamewawezesha wanawake 123, ambao hapo awali hawakuwa na uwezo wa kuwapeleka watoto shule," alisema Issa.
Aidha alifafanua kuwa, kupitia vikundi hivyo hivi sasa watoto 255 wanakwenda shule, baada ya wanawake hao kuamua kuinuana kupitia mafunzo na kutoa elimu kwa wanakikundi wasiojua kusoma na kuandika.
Hali hiyo inasababisha kuongezeka kwa watoto wa mitaani mjini hapo na endapo hatua za kupambana na tatizo hilo hazitachukuliwa mapema hatma ya maisha yao iko mashakani.
Katibu wa shirika lisilo la kiserikali Faidika Wote Pamoja (Fawopa) Baltazar Komba, alieleza jana wakati akifungua mafunzo ya kuhudumia watoto wanaoishi katika mazingira hatarishi, (MVCC) kwa kata za Mtonya, na Kisungule Mjini hapa.
Alisema kufuatia ongezeko hilo shirika limeanzisha mradi wa kuwatambua watoto hao na kutoa mafunzo ya kuwezesha kutafuta rasilimali katika maeneo yao kwa ajili ya kuwaendeleza kutoka kwenye Kata zao badala ya kutegemea misaada ya wafadhili.
"Tumeshuhudia wafadhili wengi wanakuja na kutoa misaada mbalimbali kama sare za shule, daftari, viatu, na hata mabegi ya bei kubwa, lakini pindi wanapoondoka watoto hawa wanashindwa kuendelea na masomo, "alisema.
Alieleza kuwa "lengo la mradi huu ni kuwapatia elimu viongozi wa kata pamoja na wanakamati ya kusaidia kushawishi jamii kuona umuhimu wa kumsaidia mtu asiyejiweza kwa kutoa misaada mbalimbali hasa kwa watoto walio na uhitaji wa kwenda shule,"alifafanua Komba.
Kwa upande wake mwezeshaji wa vikundi vya wanawake kusaidia watoto hao Fatma Issa , alisema kupitia mafunzo hayo yameweza kuleta manufaa kwa wananwake ambao hawakuwa na uwezo wa kuhudumia watoto wao.
"Baada ya kupata mafunzo kama haya, wanawake waliamua kuunda vikundi na kuanza kukopeshana mwenye nacho akamkopesha asiyenacho kwa riba ya asilimia mbili na mafunzo haya yamewawezesha wanawake 123, ambao hapo awali hawakuwa na uwezo wa kuwapeleka watoto shule," alisema Issa.
Aidha alifafanua kuwa, kupitia vikundi hivyo hivi sasa watoto 255 wanakwenda shule, baada ya wanawake hao kuamua kuinuana kupitia mafunzo na kutoa elimu kwa wanakikundi wasiojua kusoma na kuandika.
CHANZO:
NIPASHE
.jpeg)
.jpeg)
.jpeg)
0 comments:
Post a Comment